XORNADA INFORMATIVA PROXECTO NUTRIAGE
Xornada informativa Proxecto Nutriage:
Promoción do envellecemento saudable a través da nutrición e a dieta atlántica
03 de outubro de 2019 | Salón de actos de CERSIA Empresa
Enmarcada no proxecto europeo Nutriage, o 3 de outubro terá lugar a xornada “Promoción do envellecemento saudable a través da nutrición e dieta atlántica” que o Clúster Alimentario de Galicia organiza no salón de actos de CERSIA Empresa.
Na devandita xornada daranse a coñecer os resultados do desenvolvemento do proxecto Nutriage, cuxo obxectivo é asegurar o envellecemento saudable da poboación a través dunha alimentación baseada na dieta atlántica. Tamén, abordarase o envellecemento saudable e dieta atlántica desde unha perspectiva científica e a alimentación sénior e as súas oportunidades de negocio.
No evento participarán profesionais do ámbito da saúde, do marketing e o sector da alimentación. A xornada desenvolverase en horario de mañá, de 9 a 14:15 horas no salón de actos de CERSIA Empresa (Alcalde Raimundo López Pol, s/n -San Lázaro-,15703 Santiago de Compostela).
